Облыстық оқу-әдістемелік және қосымша білім беру орталығы : Орталық жаңалықтары : Өскемен қаласында математика пәні мұғалімдеріне арналған «Математикалық регата» республикалық олимпиадасы өтті.

Өскемен қаласында математика пәні мұғалімдеріне арналған «Математикалық регата» республикалық олимпиадасы өтті.

27 наурыз 2024
Оқылған саны: 170

2024 жылдың 26-27 наурыз күндері Қазақстан Республикасы Оқу-ағарту министрлігінің «Дарын» республикалық ғылыми-практикалық орталығының ұйымдастыруымен Өскемен қаласында математика пәні мұғалімдеріне арналған «Математикалық регата» республикалық олимпиадасы өтті.

Іс-шараға республика бойынша білім беру ұйымдарының математика пәні мұғалімдерінен құралған 22 команда қатысты.

Олимпиада қатысушылары төрт кезең бойынша сынға түсті.

Олимпиада қорытындысы бойынша Маңғыстау облысының «МАҢҒЫСТАУ» командасы I дәрежелі дипломмен марапатталды. Олимпиадаға қатысқан Ураков Алибек Джумабаевичті (Ақтау қаласы №17 жббм), Кубейев Бауыржан Серікұлын (Ақтау қаласы, «Metaschool» жеке меншік мектебі), Бимұханбет Ернар Айдарұлын (Ақтау қаласы Білім инновация лицейі), Рахметуллаев Айтымбет Сапарғалиұлын («Жас – Қанат мектеп – лицейі» жекеменшік мектебі) жүлделі орынмен құттықтай отырып, өңіріміздің математикалық білім беру бағытын дамытуға атсалысқандары үшін алғыс айтамыз.