«Мектеп географиясын оқытудағы геоақпараттық технологиялардың қолданбалы негіздері» тақырыбындағы бірлескен семинары өтті.

• 24 тамыз 2024
• Оқылған саны: 567

2024 жылғы 23 тамыз күні Білім берудің оқу-әдістемелік орталығы мен Абай атындағы Қазақ ұлттық педагогикалық университетінің «Мектеп географиясын оқытудағы геоақпараттық технологиялардың қолданбалы негіздері» тақырыбындағы бірлескен семинары өтті.

Ақтау қаласы №27 Өмірзақ орта мектебінде өткен семинар география пәні мұғалімдерінің қазіргі кездегі география пәнін оқытудың ерекшеліктерімен таныстырып, оқытудың тиімді жолдарын көрсету мақсатында ұйымдастырылды.

Семинарға Ақтау қаласы мен Мұнайлы ауданының жалпы білім беру мекемелерінен 64 география пәні мұғалім қатысты.

Модератор: Жаксыгулова Гульназ Маннаповна – Ақтау қаласы бойынша білім бөлімінің «Оқу-әдістемелік орталығы» КММ, жаратылыстану пәні әдіскері.

Төмендегі спикерлер өз іс-тәжірибесімен бөлісті:

Алиаскаров Думан Тоқтарұлы – Абай атындағы Қазақ ұлттық педагогикалық университеті, География және экология кафедрасының меңгерушісі, аға оқытушысы (PhD)

«Әлемнің географиялық дизайны және ГАЖ (GIS) -технологиялар»;

Лайсханов Шахислам Ұзақбайұлы – Абай атындағы Қазақ ұлттық педагогикалық университеті, География және экология кафедрасының қауымд. профессоры м.а. (PhD)

Геоақпараттық білім берудегі геоақпараттық технологиялар мен Жерді қашықтан зерделеу материалдары;

Үсенов Нұрбол Ергешұлы – Абай атындағы Қазақ ұлттық педагогикалық университеті, География және экология кафедрасының қауымд. профессоры м.а. (PhD)

Жалпы білім беретін мектептердің жоғары сыныптарына арналған "Географиялық білім берудегі геоақпараттық технологиялар мен ресурстар" электронды оқулығының таныстырылымы;

Нұрмағамбетұлы Жанболат – Абай атындағы Қазақ ұлттық педагогикалық университеті, География және экология кафедрасының 1-курс докторанты География сабағында ГАЖ (GIS) қосымшалары мен геопорталдарды тиімді пайдалану жолдары.

Барлық қатысушыларға сертификат табысталды.