«Mektep.edu.kz» электронды журналына енгізілген өзгерістер

• 8 қазан 2021
• Оқылған саны: 2699

2021 жылдың 6 қазан күні «Mediana Services Limited» жауапкершілігі шектеулі серіктестігінде Білім берудің оқу-әдістемелік орталығының әдіскерлері мен директордың оқу-ісі жөніндегі орынбасарларынан құралған жұмысшы тобының отырысы өткізілді.

Отырыс барысында «Mediana Services Limited» ЖШС директоры Қ. Бекназарова 2021 – 2022 оқу жылындағы «Mektep.edu.kz» электронды журналындағы өзгерістер, бөлім мен тоқсан бойынша жиынтық бақылауларды мектептің оқыту ерекшелігіне қарай енгізу жұмыстары туралы айтып өтті.

Ақтау қаласындағы № 5, 21 жалпы білім беретін мектептер, №13 гимназия, ІТ лицейі және Білім инновация лицейі, Түрлі пәндерді тереңдетіп оқытатын дарынды балаларға арналған облыстық мамандандырылған мектеп-интернатынан келген мамандар өз пікірлерін ортаға салды.

Отырыс соңында мектептердің ерекшеліктеріне қарай БЖБ, ТЖБ санын жинақтап, бір кестемен дайындалатын болып шешім қабылданды.