Педагог-психологтарға онлайн вебинар өтті

• 13 қыркүйек 2022
• Оқылған саны: 2120

Педагог-психологтарға онлайн вебинар өтті

2022 жылдың 9 - 12 қыркүйек күндері «Мектеп психологының құқықтары мен міндеттері, нормативтік-құқықтық құжаттары» тақырыбында облыстық онлайн вебинар өтті.

Вебинарға барлық білім беру ұйымдарының (230) педагог-психологтары қатысты. Вебинар барысында орталық директорының тәрбие жөніндегі орынбасары А. Мамаева білім беру ұйымдарындағы педагог-психологтардың жұмысын реттейтін нормативтік құжаттарымен, ал, Психологиялық қолдау бөлімінің жетекшісі Г. Койтанова «Орта білім беру ұйымдарындағы психологиялық қызметтің жұмыс істеу қағидаларын бекіту туралы» Қазақстан Республикасы Оқу-ағарту министрінің 2022 жылғы 25 тамыздағы № 377 бұйрығымен таныстырды.

Сонымен қатар, вебинарда осы орта білім беру ұйымдарындағы психологиялық қызметтің жұмыс істеу қағидаларын іске асыру аясында педагог-психологтар пайдалана алатын басқа да ресурстар қарастырылатындығы жөнінде атап өтілді.

Тыңдаушылар теориялық білім алып қана қоймай, өздерінің ұсыныс пікірлерімен бөлісті.