Облыстық "Үздік дефектолог" байқауы өтті

• 14 қараша 2024
• Оқылған саны: 326

Ағымдағы жылдың 14 қараша күні Білім берудің оқу-әдістемелік орталығының іс-шаралар жоспарына сәйкес, жалпы білім беретін мектептердің дефектологтеріне «Үздік дефектолог» тақырыбында облыстық байқауы сырттай өткізілді.

Мақсаты: шығармашылықпен жұмыс жасайтын, кәсіптік біліктілігін көрсете алатын дефектологтерді анықтау, қолдау және ынталандыру, дефектолог мамандығының дәрежесін көтеру.

Міндеттері:

-дефектологтердің кәсіби қарым-қатынасын ұйымдастыру және шығармашылық идеялармен, тәжірибемен алмасу;

-дефектологтердің кәсіби шеберліктерін дамыту;

-білім беру саласындағы озық педагогикалық тәжірибені анықтау мен тарату және ерекше білім беруді қажет ететін балаларды психологиялық-педагогикалық оңалту;

-инновациялық педагогикалық технологиялардың мүмкіндіктерін және оқушылармен жұмыстың жаңа формаларын анықтау;

-жалпы білім беру ұйымдарының арнайы педагогтерінің әдістемелік-дидактикалық құралдарын, оқу пәндерінің бейімделген бағдарламаларын құру бойынша үздік педагогикалық тәжірибелерді анықтау

Байқауға аудан, қала бойынша 6 дефектолог қатысты.

Байқау қорытындысы бойынша педагог-дефектологтер төмендегідей жүлделі орындармен марапатталды:

І орын – Айгазыева Мария Турсунбаевна, Бейнеу ауданы, Бейнеу жалпы білім беретін мектебі;

ІІ орын –Сүлеймен Назерке Шоханқызы, Мұнайлы ауданы, №16 жалпы білім беретін мектебі;

ІІІ орын – Көшкінова Мадина Мұратбекқызы, Маңғыстау ауданы, А. Меңдалыұлы ат. жалпы білім беретін мектебі;

“Ізденімпаз педагог-дефектолог” номинациясы – Амалова Ақтолқын Оспанқызы,

Түпқараған ауданы, Ғ. Айдаров ат. №1 мектеп-лицейі

“Креативті педагог-дефектолог” номинациясы – Оңдасынова Жансая Оңдасынқызы, Ақтау қаласы, И. Сүйеубаев ат. №8 жалпы білім беретін мектебі;

”Шығармашыл педагог-дефектолог” номинациясы – Атаниязова Ақтілек Қорабайқызы, Жаңаөзен қаласы, С. Бегендікұлы ат. жалпы білім беретін мектебі;

Жеңімпаздарды құттықтаймыз!