«SANALY URPAQ» студенттік клубтарының облыстық слеті өтті.

• 13 желтоқсан 2024
• Оқылған саны: 3903

2024 жылғы 13 желтоқсан күні Н.Бекбосынов атындағы Маңғыстау энергетикалық колледжінде «SANALY URPAQ» студенттік клубтарының облыстық слеті өтті.

Слеттің негізгі мақсаты – рухани адамгершілік және азаматтық-патриоттық тәрбие мен өнегелілік, жауаптылық, бастамашылдық, сондай-ақ сыбайлас жемқорлыққа қарсы мәдениетті қалыптастыру.

Слетке облыс бойынша 19 колледж командасы қатысты.

Қазылар алқасының шешімі төмендегідей:

1 орын - Бейнеу гуманитарлық колледжі, «Ақиқат» командасы;

2 орын - Бейнеу политехникалық колледжі, «Жалын» командасы және Каспий өңірі «Болашақ» колледжі, «Әділ жол» командасы;

3 орын – «Каспий» жоғары педагогика және салалық технологиялар колледжі, «Адал жастар» командасы және Н.Бекбосынов атындағы Маңғыстау энергетикалық колледжі, «Адал ұшқын» командасы;

«Саналы ұрпақ» номинациясы - Ақтау технологиялық қызмет көрсету колледжі, «Smart Jastar» командасы;

«Креативті команда» номинациясы - Жаңаөзен политехникалық колледжі, «Арман» командасы;

«Жаңа тыныс» номинациясы - Маңғыстау облыстық жоғары медициналық колледжі, «Өнегелі өркен» командасы;

«Зияткер ұрпақ» номинациясымен - Түпқараған гуманитарлық-кәсіптік колледжі, «Парасат» командасы.

«Үздік әлеуметтік жоба» номинациясы – «Мейірбике» жоғары медициналық колледжі, «Жарқын болашақ»командасы.

Сонымен қатар, қазылар алқасының мүшесі «Риза-Ана» қоғамдық қорының директоры Тлемисова Айжамал 10 колледжге қор атынан Алғыс хаттар табыстады.