«Арнайы мектепте ерекше білім беру қажеттілігі бар балаларды оқыту әдіс-тәсілдері мен технологиялары» тақырыбында білім беру ұйымдарының педагогтеріне онлайн семинар өтті.

• 23 мамыр 2024
• Оқылған саны: 9

 Бүгін, 23 мамыр күні Білім берудің оқу-әдістемелік орталығының 2024 жылға арналған іс-шаралар жоспарына сәйкес, «Арнайы мектепте ерекше білім беру қажеттілігі бар балаларды оқыту әдіс-тәсілдері мен технологиялары» тақырыбында білім беру ұйымдарының педагогтеріне онлайн семинар өтті.

Семинардың мақсаты: Ерекше білімді қажет ететін балаларды оқытып, тәрбиелеудегі психикалық ерекшеліктері мен мүмкіндіктеріне қарай олардың ақыл-ойын, танымын дамытуға, әлеуметтік және қоғамдық өмірге бейімделуіне қажетті білім дағдыларын алу үшін арнайы білім беруді ұйымдастыру, оңтайлы әдістерді қарастыру.

 Қамтылған аудитория: Арнайы және жалпы білім беру ұйымдарынан 63 маман қатысты.

Семинардың негізгі бөлімінде:

Сарсенова Камшат Жамбылқызы, Облыстық арнайы мектеп-интернатының ағылшын тілі пәні мұғалімі - «Көзі нашар көретін оқушыларға ағылшын тілі пәнінде қолданылатын АРТ-терапия әдіс-тәсілдері»;

Қуанышбекова Маржан Асқарқызы, Жаңаөзен арнайы мектебінің педагог-дефектологі - «Қазақ тілі пәнін зиятында бұзылыстары бар балаларға оқыту ерекшеліктері мен өзекті мәселелері»;

Сүлейманова Алмагүл Халдыбайқызы, №3 арнайы мектебінің көркем еңбек пәні мұғалімі - «ЕББҚ балалардың ұсақ қол моторикасын көркемдік өнер арқылы дамыту» тақырыптарында өз іс-тәжірибелерімен бөлісті.

 Семинар соңында мамандар алған әсерлерімен бөлісіп, спикерлер мен ұйымдастырушыларға алғыстарын білдіріп, Google форма арқылы кері байланыс толтырды.