«Шыңдалу» мектебінің перспективасы» тақырыбында облыстық вебинар өтті

• 30 қаңтар 2023
• Оқылған саны: 1571

2023 жылдың 30 қаңтар күні ҚР халық ағарту ісінің үздігі, «Құрмет белгісі» орденді ұстаз Бақыт Балұлының «Шыңдалу» мектебі атауымен облыстық «қазақ тілі мен әдебиеті пәнінің қауымдастығының» жоспарына сәйкес кәсіби шеберлік пен білікті мамандарды шыңдауға негізделген ««Шыңдалу» мектебінің перспективасы» тақырыбында облыстық вебинар өтті.

Вебинарға облыс бойынша қазақ тілі мен әдебиеті пәнінің шебер мұғалімдерінен құралған «Шыңдалу» мектебінің мүшелері қатысты.

Мақсаты: «Шыңдалу» мектебінің жылдық жоспарымен танысу, 2023 жылы атқарылатын іс-шаралардың мақсат-міндеттерін айқындау, жауапты жетекшілер тағайындау, «Аңыз адам» журналын құрастыру жұмыстарын ұйымдастыру.

Вебинар облыстық Білім берудің оқу-әдістемелік орталығының директоры Үмбетова Жаңагүл Жұмахметқызының басшылығымен өтті.

Жиналыста «Шыңдалу» мектебінің ережесі мен жоспары таныстырылып, талқыланды. «Аңыз адам» журналының эскизі көрсетіліп, барша қазақ тілі мен әдебиеті пәнінің мұғалімдерін белсенділік танытып, атсалысуға шақырды.

Мұғалімдерге ізденіс жолында тек шығармашылық табыс, сәттілік тіледік.