Worldskills Aktau-2025 өңірлік чемпионаты басталды

• 31 наурыз 2025
• Оқылған саны: 236

2025 жылғы 31 наурыз күні «Оқушылар сарайында» Worldskills Aktau-2025 Х өңірлік кәсіби шеберлік чемпионатының ашылу салтанаты өтті. Шараға 700-ге жуық адам қатысты.

Чемпионаттың мақсаты – жұмысшы мамандықтарының беделін арттыру және кәсіби дағдыларды дамыту. Ашылу салтанатына ҚР Оқу-ағарту министрлігінің Техникалық және кәсіптік білім департаменті директорының орынбасары Ақзира Қасымова, “Talap” КЕАҚ президенті Санжар Тәтібеков, өңірлік басқарма басшылары, серіктес мекеме өкілдері, ТжКБ ұйымдарының педагогтері мен студенттері, мектеп оқушылары, мұғалімдер және ата-аналар қатысты.

Өңірлік чемпионат 4 күн бойы 16 алаңда, 46 құзыреттілік бойынша өтеді. Байқауда 245 студент кәсіби шеберліктерін көрсетіп, олардың жұмысын 300-ден астам сарапшы бағалайды.

Чемпионат қатысушыларына сәттілік тілейміз!