Білім беру ұйымдарындағы «Мектеп театры» жобасы

• 22 желтоқсан 2021
• Оқылған саны: 8411

Білім беру ұйымдарындағы «Мектеп театры» жобасы

Биылғы оқу жылында Ы.Алтынсарин атындағы Ұлттық білім академиясының «Қазақстан Республикасының орта білім беру ұйымдарында оқу-тәрбие процесін ұйымдастырудың 2021-2022 оқу жылындағы ерекшеліктері туралы» Әдістемелік нұсқау хатына сәйкес, білім берудің оқу-әдістемелік орталығында «Мектеп театры» жобасын іске асыру бойынша іс-шаралар жоспары жасақталып, білім беру ұйымдарына жіберілді.

Балалар қуыршақ театрының құрылуы көркемдік дағдыларды, театрлық іс-әрекет арқылы оқуға деген сүйіспеншілікті қалыптастыруды, балалардың психо – эмоционалды қасиеттерін-эмпатия, қиял мен сөйлеуді дамыту, қарым-қатынас дағдылары, топты біріктіру, достық қарым-қатынас, өзара құрмет қабілеттерін дамытуды қамтиды.

Осы мақсатта қыркүйек-қазан айларында облыс бойынша 22 жалпы және қосымша білім беру ұйымдарында 531 оқушыны қамтыған «Балалар және театр» жобасының іс-шаралар жоспары жасақталып, үйірмелер өз жұмысын бастады.

Қазіргі таңда бұл жоба облыс бойынша барлығы 46 жалпы және қосымша білім беру ұйымдарында (1187 бала) жұмыс жасап тұр.

Аталған жоба аясында балалар шығармашылығын әрі қарай дамыту бағытындағы жұмыстар өз жалғасын таба бермек.