«Педагогтер сабақтастығы» жобасының жоспарымен таныстыру мақсатында дөңгелек үстел өтті.

• 18 қаңтар 2024
• Оқылған саны: 652

2024 жылғы 18 қаңтар күні мектепке дейінгі ұйым және бастауыш сынып педагогтеріне арналған «Педагогтер сабақтастығы» жобасының жоспарымен таныстыру мақсатында дөңгелек үстел өтті.

Дөңгелек үстелде мектепке дейінгі және бастауыш білім бөлімі әдіскерлері мен «Педагогтер сабақтастығы» жобасына бекітілген Ақтау қаласының № 28 мектебі және № 61 «Сұлтан» бөбекжайы, Мұнайлы ауданының № 11 мектебі және №8 «Алтын сақа» бөбекжайы, Түпқараған ауданының Ғ.Айдаров атындағы №1 мектеп-лицейі және «Айналайын» бөбекжайының педагогтері қатысып, қойылған мақсаттар бойынша өз пікірлерін ортаға салып, ойларымен бөлісті.

1 сынып табалдырығын аттайтын әр бүлдіршіннің білім берудің келесі деңгейіне сәтті өтуін қамтамасыз ететін мектепке дейінгі ұйым мен мектеп арасындағы бірізді дәйекті байланыстар желісін құру мақсатында жобаға қатысатын білім беру ұжымдарының, балалар мен ата-аналардың қолайлы өзара әрекеттесуі үшін жағдай жасау жұмыстары айқындалды.

Баланың мектеп табалдырығын аттаған кездегі қиындықтарды жеңуге көмектесетін өзінің отбасы мен әлеуметтік ресурстарын түсінуге психологиялық көмек көрсету бағытында педагогтер белсенділік танытып жобаға байланысты тың идеялар ортағы салынды.