“Қосымша білім беруде әдістемелік қызметті ұйымдастыру: жаңа бағыт, ізденіс, нәтиже” тақырыбында облыстық семинар өтті.

• 27 қаңтар 2024
• Оқылған саны: 637

Ағымдағы жылдың 26 қаңтар күні Қарақия ауданы, Жетібай оқушылар шығармашылық орталығында қосымша білім беру педагогтерінің қауымдастығының ұйымдастыруымен “Қосымша білім беруде әдістемелік қызметті ұйымдастыру: жаңа бағыт, ізденіс, нәтиже” тақырыбында облыстық семинар өтті.

Шараға қосымша білім беру ұйымдары директорының оқу-тәрбие жөніндегі орынбасарлары, әдіскерлер, педагогтер, қауымдастық мүшелері, барлығы 40-қа жуық маман қатысты.

Семинардың мақсаты: педагогтерге әдістемелік көмек көрсету, оқу процестерін ұйымдастырудың тиімді жолдарын қарастыру, психологиялық-педагогикалық көмек көрсету, іс-тәжірибе алмасу.

Семинарда қатысушылар қауымдастықтықтың 2024 жылғы жұмыс жоспарымен танысып, спикерлердің өткізген шеберлік-сыныптарына қатысты.

Семинар соңында ұсыныстар айтылып, қатысушылар өзара іс-тәжірибелермен алмасты.