Ақтау қаласының №27, №6 жалпы білім беретін мектептеріне әдістемелік көмек көрсетілді.

• 31 қаңтар 2024
• Оқылған саны: 653

Білім берудің оқу-әдістемелік орталығының 2024 жылға арналған іс-шаралар жоспарына сәйкес, 30-31 қаңтар күндері Ақтау қаласының №27, №6 жалпы білім беретін мектептеріне әдістемелік көмек көрсетілді.

Әдістемелік көмек аясында оқу-әдістемеліктің жаратылыстану-математика пәндерінің бөлім жетекшісі Қиянова Шолпан Орынбасарқызы «Халықаралық зерттеулер жүйесіндегі жаратылыстану - математика пәндерінің ролі», қоғамдық - гуманитарлық бөлім жетекшісі Молдажанова Жансая Құттымұратқызы «Халықаралық зерттеулердегі оқу сауаттылығы, ББЖМ-ны ұйымдастыру» бойынша, «Назарбаев зияткерлік мектептері» ДББҰ Педагогикалық шеберлік орталығының қазақ тілі мен әдебиеті пәнінің тренері Ұзақбай Айжан Жұбанқызы, орыс тілі мен әдебиеті пәні бойынша тренер Аймаганбетова Зулайха Усембаевна «Қалыптастырушы бағалау нәтижесі – жиынтық бағалау көрсеткіші» тақырыбында оқу сауаттылығы, бағалау, БЖБ, ТЖБ тапсырмаларын құрастыру, қысқа мерзімді жоспар құру және т.б. мәселелер бойынша қазақ тілі мен әдебиеті, орыс тілі мен әдебиеті, ағылшын тілі пәні мұғалімдеріне, Айлекова Эльмира Өтешқызы «Оқушылардың функционалдық сауаттылығын дамыту барысында тапсырмаларды дайындау әдістері», Бегеева Рабиға Жұмабайқызы «Халықаралық зерттеу тапсырмалары: ізденіс, нәтиже» тақырыптарында жаратылыстану-математика пәндерінің мұғалімдеріне көмек берді.

Сонымен қатар, мектеп әкімшілігіне мектептің даму бағдарламасы, мектепішілік бақылау жоспарына талдау жасап, әдістемелік көмек берілді.