"Психологиялық қызмет – үш бірліктің бала тәрбиесіндегі рөлі» атты облыстық форум өтті

• 28 қараша 2023
• Оқылған саны: 563

Болашақта ел тізгінін ұстар азаматтар - бүгінгі мектеп оқушылары. Оқушы тәрбиесі - мемлекеттің аса маңызды міндеттерінің бірі. Жас буынның бәсекеге қабілетті, жан-жақты әлеуметтенуі ел дамуындағы аса маңызды фактор. Ал ол отбасы – бала – мектеп атаулы үштік ұғым біріккенде ғана сапалы білім мен саналы тәрбие болады.

Осы орайда, бүгін, 28 қараша күні білім берудің оқу-әдістемелік орталығының іс-шаралар жоспарына сәйкес, "Психологиялық қызмет – үш бірліктің бала тәрбиесіндегі рөлі» атты аудандық, қалалық оқу-әдістемелік орталықтарының тәрбие және педагог-психолог әдіскерлері, тәрбие жөніндегі орынбасарлар, педагог-психологтер, сынып жетекшілер, арнайы педагогтер мен әлеуметтік педагогтерге арналған облыстық форум өтті. Форумға 130-ға жуық маман қатысты.

Форум 2 секцияға бөлінді: теориялық бөлім және тәжірибелік бөлім.

Теориялық бөлімде:

-«Жетістіктер алаңы» жобасының таныстырылымы;

-«Құндылықтарға негізделген тәрбие»;

-«Мектептегі балаларға қатысты зорлық-зомбылықтың алдын алу»;

-«Отбасы мен мектептің өзара қарым-қатынасының тиімділігі»;

-«Қазіргі заман сынып жетекшісінің портреті»;

-«Сынып жетекшінің әдістемелік шеберханасы» тақырыптарында шағын баяндамалар оқылды.

Білім беру ұйымдарында тәрбие жұмыстары мен психологиялық қызметті ұйымдастыруда мамандарды қолдау, зияткерлік әлеуетін арттыру, әдістемелік көмек көрсету мақсатында өткен форумның тәжірибелік бөлімі топтық пікірталас, жаттығулар, интроспекция, іскерлік ойындармен жалғасты.

Аталмыш форумның қорытынды бөлімінде “жинақ қоржын” әдісі арқылы тәрбие бағытында жасаған жұмыстарына кері байланыста берілген сұрақ арқылы талдау жүргізіп, аудандық, қалалық оқу-әдістемелік орталықтардың әдіскерлері таныстырды. Форум соңында белсенді қатысқан педагогтерге ынталандыру сыйлықтары беріліп, қатысушылар алған әсерлерімен бөлісіп, спикерлерге және ұйымдастырушыларға алғыстарын айтты.