Тарих пәні мұғалімдеріне БЖБ және ТЖБ тапсырмаларын әзірлеу бойынша әдістемелік вебинар өтті.

• 6 ақпан 2024
• Оқылған саны: 567

Бүгін білім берудің оқу-әдістемелік орталығының ұйымдастыруымен Жаңаөзен қаласының, Қарақия, Маңғыстау, Түпқараған аудандарының тарих пәні мұғалімдеріне БЖБ және ТЖБ тапсырмаларын әзірлеу бойынша әдістемелік вебинар өтті.

Вебинар барысында ҚР БҒМ 2008 жылғы 18 наурыздағы №125 бұйрығымен бекітілген орта, техникалық және кәсіптік, орта білімнен кейінгі білім беру ұйымдары үшін білім алушылардың үлгеріміне ағымдық бақылауды, аралық және қорытынды аттестаттауды жүргізудцің үлгілік қағидаларының 20-тармағына сәйкес формативті және жиынтық бағалау тапсырмаларын академиялық адалдық принциптерін сақтай отырып, техникалық ерекшелік негізінде дербес дайындау керектігі айтылды.

Сонымен қатар жиынтық бағалау тапсырмаларын ҚР Оқу-ағарту министрінің 16.09.2022ж. №399 бұйрығымен бекітілген Жалпы білім беретін пәндер бойынша үлгілік оқу бағдарламаларына сәйкес білім алушылардың өткен материалдарын қамти отырып, ресми көздерден алынған ақпараттарды пайдаланып, оқытудың тақырыбы мен мақсатына, білім алушылардың жас ерекшеліктеріне де сәйкес әзірлеу тапсырылды.

Бүгінгі вебинарда А.Тәжібаев «Білім беру ұйымында тарих пәні бойынша БЖБ және ТЖБ жұмыстарын ұйымдастыру тәртібі», Н.Тұрсабеков «БЖБ, ТЖБ тапсырмаларын дайындау үлгілері мен әзірлеу кезеңдері», А.Рубилова “БЖБ және ТЖБ тапсырмаларын құрастыруға үйрету”, Ж.Бисенгалиева «БЖБ және ТЖБ тапсырмаларын құрастыру және зерделеу» тақырыптарында қатысушыларға өздерінің іс-тәжірибелерімен бөлісті.