Мәнерлеп оқу байқауы қашықтан өткізілді

• 17 қыркүйек 2021
• Оқылған саны: 4363

Бүгін, 17 қыркүйек күні Қазақстан Республикасы халқының тілдері күні мерекесі аясында мектеп оқушылары мен колледж студенттері арасында «Мемлекеттік тіл – Тәуелсіздік символы» тақырыбында мәнерлеп оқу байқауы ұйымдастырылды. Карантиндік шаралар ескеріліп, шара қашықтан өткізілді.

Мемлекеттік тілді жетік меңгерген өзге ұлт өкілдерінің арасынан талантты оқушыларды, жастарды анықтау, тілді құрметтеуге тәрбиелеу мақсатында өткен бұл байқауға барлығы 25 жұмыс ұсынылды.

Жұмыстарды іріктеу барысында төмендегідей ортақ кемшіліктер байқалды:

-уақытты ескермеу, уақыттың межесінен шықпау;

-сөз мағынасына терең бойламау;

-екпін, ырғақты ескермеу, шығарманы жатқа білмеу;

-ережеге сай келмейтін жұмыстарды жіберу (қазақ балалардың жұмыстарын жолдау);

-бейнематериалдардың сапасының төмендігі.

Қазылар алқасы осы кемшіліктерді ескеріп және бағалау критерийлерін басшылыққа ала отырып, қатысушылардың жас ерекшеліктеріне сәйкес орындар тағайындады.

9-13 жас аралығындағы балалар арасында:

І орынды Қарақия ауданы, №1 ЖББМ 7 сынып оқушысы Тюлеуханова Кристина;

ІІ орынды Ақтау қаласы, Н.Марабаев атындағы №7 мектеп-лицейдің 7 сынып оқушысы Ахмедьянова Рахиль иеленді.

III орынды Бейнеу ауданы бойынша білім бөлімінің «Абай атындағы ЖББМ 4 сынып оқушысы Альбертқызы Айару мен Ақтау қаласы, ІТ лицейдің 7 сынып оқушысы Арустамова Ева тең бөлісті.

Ал 15-21 жас аралығындағы жастар арасында:

I орынды Туризм колледжінің 3 курс студенті Овчинников Артем,

ІІ орынды Мұнайлы ауданы, №7 ЖББМ 10 сынып оқушысы Турсынбаев Арман,

ІIІ орынды Қарақия ауданы, №1 ЖББМ 11 сынып оқушысы Низамидин Мәлік пен Мұнайлы ауданы, №10 ЖББМ 8 сынып оқушысы Шихиев Даянч иеленді.

Байқауға қатысушылар оқыған шығармаларын әлеуметтік желілерде #туғантілдісүйемін хэштегімен жариялады.

17 қыркүйек 2021 жыл

#Білім_берудің_оқу_әдістемелік_орталығы