Үздік кітапханашылар анықталды

• 13 желтоқсан 2022
• Оқылған саны: 1960

2022 жылғы 13 желтоқсан күні жалпы білім беретін мектептердің кітапханашылары арасында «Үздік мектеп кітапханашысы» облыстық қашықтық байқауы өтті. Мектеп кітапханашыларының шығармашылық бастамаларын дамыту және ынталандыру мақсатында өткен бұл байқауға 8 кітапханашы қатысты.

Байқау ережесіне сәйкес қатысушылар жолдаған жұмыстар төмендегідей 3 бөлім бойынша қаралды:

- Оқыту тіліндегі электронды портфолио.

- Бейнеролик түріндегі электронды таныстырылым.

- Ахмет Байтұрсынұлының 150 жылдығына арналған шараның бейнежазбасы.

Жұмыстар әр бөлім бойынша алдын ала белгіленген критерийлерге сәйкес қаралып: электронды портфолио ресімдеуде жаңашылдықтың; бейнеролик дайындауда креативтіліктің жетіспеушілігі, бейнежазбаның сапасына мән берілмеуі; кітапханадағы шаралардың әлі күнге дейін ескі форматта өтуі, т.б. сияқты ортақ кемшіліктер анықталды.

Барлық бөлім бойынша ортақ ұпай шығарылып, жүлделі орын алғандар марапатталды.

І орынды Мұнайлы ауданы, №6 жалпы білім беретін мектептің кітапханашысы Суюнова Гүлмира;

ІІ орынды Маңғыстау ауданы, Тобанияз атындағы жалпы білім беретін мектептің кітапханашысы Теңелбаева Насипгул;

ІІІ орынды Түпқараған ауданы, жекелеген пәндерді тереңдетіп оқытатын мамандандырылған Форт-Шевченко мектеп-интернатының кітапханашысы Сисенбаева Гүлнур иеленді.

Ал Жаңаөзен қаласы, №22 жалпы білім беретін мектептің кітапханашысы Усербаева Сандуғаш ынталандыруға ие болды.