«Ұлттық қүндылықтар - ел болашағы» тақырыбында вебинар өтті.

• 23 қаңтар 2024
• Оқылған саны: 864

Ағымдағы жылдың 22 қаңтар күні облыстық мектепке дейінгі ұйымдар мобильді тобының іс-шаралар жоспарына сәйкес, «Ұлттық қүндылықтар - ел болашағы» тақырыбында вебинар өтті.

Мектепке дейінгі жастағы балаларға ұлттық тәрбие беру барысында балабақша мен ата-ананың ынтымақтастығын нығайту мақсатында ұйымдастылыған вебинарда Түпқараған ауданы «Айналайын» бөбекжайының әдіскері Н.Денбаева, «Алма» жекеменшік бөбекжай-бақшасының директоры Ж.Шортанова, Бейнеу ауданы «Қарақұм» бөбекжайының тәрбиешісі Н.Темірова, Ақтау қаласы №19 «Толағай» бөбекжайының тәрбиешісі А.Тулемисова, Ақтау қаласы №34 «Болашақ» бөбекжайының психологі М.Изжанова, Қарақия ауданы «Құлыншақ» бөбекжайының тәрбиешісі А.Саумбаева жаһандану заманында жас ұрпақты тәрбиелеудегі ұлттық тәрбиеге негізделген ата-анамен педагог арасындағы қарым-қатынасты орнатуға, мектеп жасына дейінгі балаларды кішкентайынан еңбекке баулуға бағытталған отбасылық және педагогикалық үрдістер ұштастырылған тәжірибелерімен бөлісті.

Вебинарға қатысушылар алдағы уақытта ата-анамен ұйымдастырылатын жұмыс барысында спикерлердің педагогикалық тәжірибелері арқылы нәтижелі жетістіктерге жетуге болатынын айта келіп, ұйымдастырушыларға алғыс білдірді.