«10-11 сыныптардың қазақ тілі мен әдебиеті пәні бойынша күрделі мақсаттарды оқыту шеберлігі» тақырыбында облыстық вебинар өтті

• 1 желтоқсан 2023
• Оқылған саны: 636

Білім берудің оқу-әдістемелік орталығында 2023 жылдың 1 желтоқсаны күні облыстық қазақ тілі мен әдебиеті пәні мұғалімдері қауымдастығы «Шыңдалу» мектебінің 2023 жылға арналған іс-шаралар жоспарына сәйкес «10-11 сыныптардың қазақ тілі мен әдебиеті пәні бойынша күрделі мақсаттарды оқыту шеберлігі» тақырыбында облыстық вебинар өтті.

Вебинарға аудандық, қалалық оқу-әдістемелік орталығының әдіскерлері мен облыстағы қазақ тілі мен әдебиеті пәнінің мұғалімдері, барлығы 30-ға жуық адам қатысты.

Мұнайлы ауданы №3 жалпы білім беретін мектептің қазақ тілі мен әдебиеті пәні мұғалімі Пиржанова Жадыра Нажимовна «Баққожа Мұқайдың «Өмірзая» романын оқыту тәжірибемнен»;

Бейнеу ауданы Боранқұл жалпы білім беретін мектептің қазақ тілі мен әдебиеті пәні мұғалімі Аккаюова Маржан Маратовна «Күрделі мақсатты тақырыптарды меңгертуде қолданылатын әдіс-тәсілдер»;

Түпқараған ауданы М.Әбдіхалықов атындағы мектеп-гимназиясының қазақ тілі мен әдебиеті пәні мұғалімі Жузбаева Райгул Кенжебаевна «М.Мағауиннің «Шақан Шері» шығармасын мазмұндас шығармалармен сабақтастыра отырып оқыту тәжірибемнен» тақырыптарында өз тәжірибелерімен бөлісті.

Семинар соңында кері байланыс жасалып, ұсыныс-пікірлер айтылды.

Вебинарға белсенді қатысқан әріптестерге алғыс білдіреміз!