Бейнеу ауданына жүргізілген мониторинг

• 22 қазан 2022
• Оқылған саны: 1840

Бейнеу ауданына жүргізілген мониторинг

Маңғыстау облысының білім басқармасының 14.10.2022жылғы №156нқ бұйрығына сәйкес «Бейнеу ауданындағы білім беру ұйымдарында мектепішілік бақылау мен басқаруға мониторинг жүргізу туралы» бұйрығына сәйкес Бейнеу ауданындағы білім беру процестерін жүзеге асырудың жай-күйін және нәтижелері мен шарттары өзгеруінің серпінін, білім алушылар контингентін, білім беру ұйымдары желісін, сондай-ақ олардың қызметі жетістіктерінің рейтингілік көрсеткіштерін жүйелітүрде байқау, талдау, бағалау және болжау мақсатында Білім берудің оқу-әдістемелік орталығының мамандарынан құрылған мониторингтік жұмыс тобымен Маңғыстау облысының білім басқармасының басшысы Д. Жұмашева 2022 жылдың 19-21 қазан күндері іссапарда болып қайтты.

Іссапар барысында Бейнеу ауданының Төлеп елді мекенінің ардагер ұстазы Есентурлин Оңайбай ағай мен Бейнеу ауылының ардагер ұстазы Балұлы Бақыт ағайдың үйлеріне барып, ардагер ұстаздардың хал-жағдайларын біліп, Республика күні мерекесімен құттықтады.

Ардагер ұстаздарымыз тағылымға толы естелік әңгімелерін айтып, ризашылықтарын білдірді. Оңайбай ағай Білім басқармасының басшысы Д. Жұмашеваға «Құтты мекен – Үстіртім» кітабын сыйға тартты.

Мониторингтік жұмыс тобы Бейнеу аудандық білім бөліміне қарасты білім беру ұйымдарының оқу ісі жөніндегі жəне тəрбие ісі жөніндегі орынбасарларына дөңгелек үстел өткізіп, мониторинг барысында кездескен кедергілерді жою, білім сапасын арттыру, PISA халықаралық зерттеуіне оқушыларды дайындау, білім беру ұйымдарда құжаттама жасау, құжаттаманы басқару және электрондық құжат айналымы жүйелерін пайдалану мақсатында əдістемелік көмек көрсетті.