«НОРМАТИВТІК-ҚҰҚЫҚТЫҚ АКТІЛЕРДІ ЖЕТІЛДІРУ ЖӨНІНДЕГІ АҚПАРАТТЫҚ ТҮСІНДІРУ ЖҰМЫСТАРЫ» тақырыбында онлайн семинар

• 12 тамыз 2024
• Оқылған саны: 566

Білім берудің оқу-әдістемелік орталығының ұйымдастыруымен 2024 жылдың 12 тамыз күні жалпы білім беретін мектептер, мектепке дейінгі ұйымдар, техникалық және кәсіптік білім беру ұйымдарының педагогтеріне инклюзивті білім беру үшін жағдай жасаудың бірыңғай тәсілін анықтау туралы нормативтік-құқықтық актілерге енген өзгерістер туралы түсіндіру мақсатында «Нормативтік-құқықтық актілерді жетілдіру жөніндегі ақпараттық түсіндіру жұмыстары» тақырыбында онлайн семинар өтті.

Қамтылған аудитория: Мектепке дейінгі және жалпы білім беру ұйымдарының, техникалық және кәсіптік білім беру ұйымдарының педагог-логопедтері, дефектологтері, педагог-психологтері, әлеуметтік педагогтері, педагог-ассистенттері және қалалық, аудандық оқу-әдістемелік орталықтарының инклюзивті білім беруге жауапты әдіскерлері.

Қойтанова Ғалия Күмбетбайқызы, «Психологиялық қолдау» бөлімінің жетекшісі - «Кейбір заңнамалық актілерге өзгерістер мен толықтырулар енгізу туралы» түсіндірме жұмыстарын жүргізді.

Кентанова Ляззат Қуанышқалиқызы, «Психологиялық қолдау» бөлімінің әдіскері - Оқу-ағарту министрінің м. а. 2024 жылғы 12 шілдедегі № 178 қаулысымен бекітілген - «Білім беру ұйымдарындағы инклюзивті білім беру үшін жағдай жасау бойынша әдістемелік ұсынымдарды бекіту туралы» айтып өтті.

Семинар соңында қатысушылардың ой-пікірлері тыңдалып, кері байланыс орнатылды.