«Мағжан жыры - мәңгілік» тақырыбында эссе байқауы өтті

• 27 қыркүйек 2023
• Оқылған саны: 1010

Білім басқармасының іс-шаралар жоспарына сәйкес Қазақстан халқы тілдері күні мерекесіне орай қазақ әдебиетінің жарық жұлдызы – Мағжан Жұмабайұлының шығармашылығын өскелең ұрпаққа насихаттау, эссе жазуда логика, ойды дәйектеу, ақпаратты сауатты жеткізу қабілетін, шығармашылық және зияткерлік әлеуетін дамыту мақсатында ағымдағы жылғы 22 қыркүйек күні «Мағжан жыры - мәңгілік» тақырыбында облыстық эссе байқауы өтті. Байқауға аудандық, қалалық, колледжішілік кезеңдерден іріктелген педагогтердің 17 жұмысы ұсынылып, қазылар алқасы тарапынан жан-жақты қаралып, тексерілді.

Ережеге сай сапалы жазылған эссе жұмысын ұсынған педагогтер жүлделі орындармен төмендегіше марапатталды:

Жалпы білім беретін мектептердің педагогтері арасында І орынды Маңғыстау ауданы №7 мектеп-лицейінің қазақ тілі мен әдебиеті пәні мұғалімі Гүлжанат Оразбекқызы;

ІІ орынды Түпқараған ауданы М. Әбдіхалықов атындағы мектеп-гимназиясының қазақ тілі мен әдебиеті пәні мұғалімі Райхан Кулжанова;

ІІІ орынды Жаңаөзен қаласы №5 гимназияның қазақ тілі мен әдебиеті пәні мұғалімі Ұлболсын Карамурзаева иеленді.

Ал техникалық және кәсіптік орта білімнен кейінгі білім беру ұйымдары педагогтері арасында І орынға лайық жұмыс болмағандықтан,

ІІ орынды Мұрын жырау Сеңгірбекұлы атындағы Маңғыстау жоғары политехникалық колледжінің қазақ тілі мен әдебиеті пәні оқытушысы Жанар Беришбаева;

ІІІ орынды Н. Бекбосынов атындағы Маңғыстау энергетикалық колледжіның қазақ тілі мен әдебиеті пәні оқытушысы Гүлжанат Шанбас иеленді.