Әдістемелік көмек көрсету мақсатында дөңгелек үстел өтті.

• 31 қаңтар 2024
• Оқылған саны: 643

2024 жылғы 31 қаңтар күні Маңғыстау облысының білім басқармасы басшысының орынбасары Г. Мамаеваның қатысуымен орта білім беру ұйымдарының дамыту бағдарламасының құрылымын және оны әзірлеу қағидаларын бекіту бойынша құрылған жұмыс тобына әдістемелік көмек көрсету мақсатында дөңгелек үстел өтті.

Дөңгелек үстелге Білім берудің оқу-әдістемелік орталығының директоры Ж. Үмбетова, «Өрлеу» БАҰО АҚФ Маңғыстау облысы бойынша КДИ аға оқытушысы Б. Тәжібаев, НЗМ өкілі Н. Ермағамбетова, аудандық, қалалық оқу-әдістемелік орталық директорлары және кіші топ мүшелері, барлығы 80 адам қатысты.

Дөңгелек үстелдің күн тәртібіне сәйкес Білім берудің оқу-әдістемелік орталығының қоғамдық-гуманитарлық бөлім жетекшісі Ж. Молдажанова мектептің даму бағдарламасына Қазақстан Республикасы Оқу-ағарту министрлігінің 2023 жылғы 28 тамыздағы №273 «Мектепке дейінгі, орта, техникалық және кәсіптік, орта білімнен кейінгі білім беру ұйымдарын дамыту бағдарламасының құрылымын және оны әзірлеу қағидаларын бекіту туралы» бұйрығы негізінде енгізілген өзгерістер жөнінде айтты.

Білім берудің оқу-әдістемелік орталығы директорының орынбасары Ж. Жұмабаева Маңғыстау облысы білім басқармасының әдістемелік ұсынымдар бойынша атқарылатын жұмыс жоспарымен таныстырды.

Мұнайлы аудандық оқу-әдістемелік орталығының директоры Р. Жасақова оқу-тәрбие процесінің іске асырылуын бақылауды ұйымдастыру бойынша әдістемелік ұсыныммен таныстырып, мектепішілік бақылау жоспарын құруда теориялық негіздері, басқару шешімдерін жүйелеу: матрицалық әдіс және т.б. жөнінде айтып өтті.

Мұнайлы ауданының Шоғы Мұңалұлы атындағы №5 жалпы білім беретін мектебінің директоры Ж. Бөкен ұсынымдама негізінде білім беру және оқуды талдау бойынша жасалған жұмыстарын көрсетіп, іс-тәжірибесімен алмасты.

Отырыс соңында Білім берудің оқу-әдістемелік орталығы директоры Ж. Үмбетова дөңгелек үстелдің шешімі бойынша мектептерге аудандық, қалалық білім бөлімдерінің жанынан құрылған кіші топтарға тиісті тапсырмалар беріп, жұмыстарды міндеттеді.

Дөңгелек үстелге қатысушылар сұрақтарын қойып, ұсыныс-пікірлерін білдірді.