ЖЫЛ КӨРСЕТКІШІ

• 26 желтоқсан 2023
• Оқылған саны: 718

2023 жылы Маңғыстау облысының мектептерінде оқушылар саны артып, 188 000-нан асты.

ҚР Президенті Қ.К.Тоқаевтың тапсырмасына сәйкес «Жайлы мектеп» жобасы басталды.

Үш ауысыммен жұмыс істейтін, апаттық мектептерді жою мақсатында атаулы жоба аясында 2023-2025 жылдарға 22 000 орындық 21 мектептің құрылысы жоспарланып, биыл соның 13-нің құрылысы басталды.

Білім беру инфрақұрылымын қолдау қоры есебінен 4800 орындық 4 мектептің, жер қойнауын пайдаланушы компания есебінен 1200 орындық мектептің құрылыстары жүруде.

Сондай-ақ инвестор есебінен Маңғыстау ауданының Бекі ауылында 100 орындық мектептің құрылысы басталды. 3972 орындық 11 жекеменшік мектеп ашылды.

Түпқараған ауданында 125 орындық қосымша құрылыс пайдалануға берілді.

150 мектепке ағымдағы жөндеу жұмыстары жүргізілді.

"Ауыл мектептерін жаңарту" жобасы аясында 20 мектепті жаңарту (ағымдағы жөндеу жұмыстары, жаңа модификациялық кабинеттер сатып алу, бейнекамералар орнату т.б.) жұмыстары жүргізілді.