Қосымша білім беру ұйымдарының онлайн отырысы өтті

• 24 қыркүйек 2021
• Оқылған саны: 9212

2021 жылдың 23 қыркүйек күні облысымыздағы қосымша білім беру ұйымдары қатысуымен онлайн отырыс өтті. Отырысқа Білім берудің оқу-әдістемелік орталығы директорының орынбасары А. Мамаева, тәрбие және қосымша білім бөлімдерінің мамандары, қосымша білім беру ұйымдарының директорлары мен олардың орынбасарлары қатысты.

Отырыс басында А. Мамаева Ақтау қалалық Оқушы орталығының жаңа басшысын өзге әріптестерімен таныстырып, жаңа жұмысына сәттілік тіледі.

Одан әрі, жұмыс барысында қолданылатын нормативтік құжаттар мен әдістемелік нұсқаулықта кездесетін өзгерістер туралы түсінік жұмыстары жүргізілді. Директорлар алдағы жұмыс жоспарларымен бөлісіп, қолға алынатын тың жобаларымен таныстырды.

Ағымдағы мәселелер бойынша туындаған сұрақтар мен мәселелерді ортаға салып, талқыланды. Қатысушылар мамандар мен ғимарат қажеттілігі туралы ұсынымдарын білдірді.

А. Мамаева аттестация жұмыстары жөнінде алдағы уақытта әдістемелік көмектер көрсетілетіндігін атап өтті.