Маңғыстау мектептеріне «TopIQ-MobilBox» оқу станциялары табысталды

• 26 желтоқсан 2025
• Оқылған саны: 3413

Бүгін, 26 желтоқсан күні «Holiday Inn Aktau» қонақ үйінде шалғай және шағын жинақты мектептерге арналған «TopIQ-MobilBox» оқу станцияларын табыстау рәсімі өтті.

Іс-шара аясында Маңғыстау облысының шағын жинақты мектептеріне, сондай-ақ TolQ.kz платформасын тиімді пайдаланған және республикалық «Leader TolQ.kz» байқауында үздік нәтиже көрсеткен өңірдің 40 мектебіне интернетсіз жұмыс істейтін заманауи оқу станциялары табысталды.

Сондай-ақ оқу станциясында мұғалімдердің күнделікті жұмысын жеңілдетуге арналған «Qamqor» интеллектуалды көмекшісі бар. Ол сабақ жоспарын әзірлеуге, оқу материалдарын таңдауға және оқу үдерісін тиімді ұйымдастыруға көмектеседі.

Жобаның негізгі мақсаты – Қазақстан Республикасы Президентінің «Кітап оқитын ұлт» бастамасын қолдау, шалғайдағы мектептер мен кітапханаларды заманауи оқу құралдарымен қамтамасыз ету және білім беру сапасын арттыруға үлес қосу.

Айта кетейік, «TopIQ-MobilBox» оқу станциялары Маңғыстау облысы бойынша теңдей үйлестірілді. Атап айтқанда, Ақтау қаласындағы 5 мектепке, Жаңаөзен қаласындағы 6 мектепке, Бейнеу ауданындағы 9 мектепке, Маңғыстау ауданындағы 7 мектепке, Мұнайлы ауданындағы 5 мектепке, Қарақия ауданындағы 5 мектепке, сондай-ақ Түпқараған ауданындағы 3 мектепке табысталды.