Облыстық бастауыш сынып мұғалімдері олимпиадасы өтті
2024 жылғы 25-26 сәуір күндері Білім берудің оқу - әдістемелік орталығының жылдық жоспарына сәйкес, облыстық бастауыш сынып мұғалімдерінің олимпиадасы өтті.
Олимпиадаға аудан, қаладан үздік деп танылған 7 бастауыш сынып мұғалімдері қатысты.
Олимпиада қатысушылары 4 кезең бойынша додаға түсті.
- “Функционалды сауаттылық - білім сапасын жетілдірудің негізгі бағдары”;
- “Мен жаңашыл мұғаліммін”;
- “Үздік педагогикалық идея”;
- Ашық сабақтар.
Қазылар алқасының шешімімен төмендегідей орындар мен номинациялар берілді.
І орын: Утепбергенова Гүлбану, Бейнеу ауданы, Абай атындағы мектептің бастауыш сынып мұғалімі;
ІІ орын: Жайыкова Ақкүріш, Жаңаөзен қаласы, С.Бегендікұлы атындағы N4 мектептің бастауыш сынып мұғалімі;
ІІІ орын: Еркаева Майра, Ақтау қаласы, Ф.Оңғарсынова атындағы N29 мектептің бастауыш сынып мұғалімі;
“Үздік сабақ” номинациясы: Конарбаева Гүлжамила, Мұнайлы ауданы,N11 мектептің бастауыш сынып мұғалімі.
Жеңімпаздар Білім берудің оқу-әдістемелік орталығының дипломдарымен, сертификаттарымен марапатталды. Олимпиада жеңімпаздарын құттықтаймыз!
