Облыстық психологиялық кеңес қызметінің отырысы өтті.

• 8 қазан 2022
• Оқылған саны: 1619

Маңғыстау облысының білім басқармасы басшысының орынбасары А. Тұржанова төрағалық еткен отырысқа облыстық психологиялық кеңес қызметінің мүшелері, ЖПҚБ ювеналды полиция тобының аға инспекторы, полиция майоры А. Сатбергенова және Облыстық психикалық денсаулық орталығының маманы А. Байтұяқова қатысты.

Отырыста кәмелетке толмағандар арасындағы аутодеструктивті мінез-құлықтың алдын алу мақсатында жүргізілетін психодиагностикалық әдістерді айқындау, кәмелетке толмағандардың ата-аналарына психологиялық-педагогикалық сүйемелдеу жүргізу, психикалық денсаулық және дағдарыс жағдайындағы білім алушыларға көмек көрсету мәселелері қаралды.

Отырыс соңында аутодеструктивті мінез-құлықтың алдын алуда бірыңғай әдістемесі қабылданып, кеңес мүшелерінің ұсыныстары мен пікірлері тыңдалды.