ШЫҒАРМАШЫЛЫҚ ІЗДЕНІС ПЕН ШЫНАЙЫ ЕҢБЕКТІҢ ЖЕМІСІ

• 16 тамыз 2024
• Оқылған саны: 9730

Бүгін Маңғыстау облысы білім беру қызметкерлерінің тамыз кеңесі аясында облыс әкімі Н. Қилыбайдың қолдауымен «Орта білім беретін үздік ұйым-2024» және «Техникалық-кәсіптік білім беру үздік ұйым – 2024» конкурстың жеңімпаздары марапатталды.

«Орта білім беретін үздік ұйым-2024» Түпқараған ауданы Ақшұқыр мектеп-лицейі және «Техникалық-кәсіптік білім беру үздік ұйым-2024» Қарақия ауданы Қарақия кәсіптік колледжі жеңімпаз атанды.

Облыс әкімі жеңімпаз атанған білім беру ұйымдарын құттықтап, алпыс сегіз миллион теңге грант сертификаттарын табыс етті.

Білім беру ұйымдарының арасындағы додалы байқауда ерекшеленіп жеткен жеңістің нәтижесі білім беру ұйымдарында материалдық-техникалық базаны, инфрақұрылымды жақсартуға, сонымен қатар жайлы, қауіпсіз және заманауи білім беру ортасымен қамтамасыз етуге мүмкіндік береді.